Kgetha Puo


Ho Ntshuwa Hape ha Setifikeiti sa Naha sa Sekolo se Phahameng

Ho etsa kopo bakeng sa ho ntshwa hape ha setifikeiti sa matriki (phetoho dintlheng tse itseng).

Lefapha la Thuto ya Motheo (Department of Basic Education) kapa lefapha la thuto la provinse le tla ntsha hape setifikeiti sa matriki haeba ho na le diphetoho dintlheng tse itseng tlasa maemo a itseng.

Bakeng sa ho fetola tlhahisoleseding setifikeiting sa matriki, o tlameha ho etsa kopo ho Bolaodi ba Ditlhatlhobo ba Lefapha la Thuto la Kapa Botjhabela (Eastern Cape Department of Education Exams Directorate) ka ho tlatsa foromo e tshwanetseng (Kopo ya Phetolo / Tokiso ya Dintlha tsa Botho: Diphoso tsa Tsamaiso kapa Kopo ya phano-botjha ya setifikeiti sa thuto ya sekolo se phahameng /NSC ka lebaka la phetoho tlhahisoleseding ya botho: Diphetoho tsa Molao). O tlameha ho ya ka seqo ofising e haufi ka ho fetisisa ya lefapha la thuto e le hore mohlokomedi a ka buisana le wena pele ba etsa dihlomathiso.

O ka kopa setatemente sa diphetho tsa ditlhahlobo ha o ntse o emetse ho lokollwa ha setifikeiti sa hao. Ho utlwa ka ho eketsehileng mabapi le ho ntshuwa hape ha setifikeiti sa matriki kapa ikopanye le Bolaodi ba Ditlhatlhobo ho 043 604 7712/95.

Phatlalatso-botjha: Diphoso tsa Botsamaisi

Nakong ya dikgwedi tse tsheletseng kamora ho ntshuwa ha setikeiti (ho ntshuwa ka lekgetlo la pele), empa e seng kamora selemo se le seng kamora tlhahlobo ya ho qetela, kopo bakeng sa ho ntshuwa hape ha setifikeiti maemong ao ho nang le bopaki bo lekaneng ba phoso mabapi le thuto (subject), kgetho ya thuto kapa phetoho sephethong sa tlhahlobo, kapa mabapi le dintlha tsa bophelo, ha di a nepahala ka lebaka la phoso ya ngodiso sekolong kapa lefapheng.

Ho Ntshuwa Hape: Tlhaloso ya ho Fetolwa ha Bong le Boemo ba Bong

Boemong boo Motsamaisi – Kakaretso wa Lefapha la Tsa Lehae a fane ka tumello kopong e mabapi le Ho Fetolwa ha Bong ho ipapisitswe le Molao wa Tlhaloso ya Phetolo ya Bong le Boemo ba tsa Bong, 2003, mme tlhaloso ya motho ya bong e fetotswe ka ho loketseng, motho enwa, a sebedisa Lefapha la Thuto ya Motheo kapa Lefapha la Thuto la Profensi, a ka etsa kopo ya hore ho ntshuwe hape setifikeiti se nang le phetoho ya lebitso/dintlha tsa botho (haeba e kopjwa), le ho ngodiswa botjha ha tlhaloso ya bong ho dathabeisi ya Legotla la Tiisetso ya Boleng Thutong le Thupello e Akaretsang le e Hatetseng Pele (Umalusi).

Ditokomane tse Hlokahalang

- Dikhopi tse netefaditsweng tsa dilemo tsa moithuti ya entseng kopo le Tokomane e ntjha ya Boitsebiso
- Setatemente se nang le dintlha tse batsi tsa kano (affidavit) tsa moithuti ya entseng kopo
- Setifikeiti sa mantlha
- Foromo ya kopo e fumanwang ho DBE/PED
- Lengolo le tswang Lefapha la Ditaba tsa Lehae le netefatsang hore lefapha lena, lebitsong la motho ya entseng kopo, le ile la sebetsa ho ya ka Karolo ya 27(A) ya Molao wa Ngodiso ya Tswalo le Mafu, 1992, le hore le fetotse tlhaloso ya bong (le mabitso) a motho enwa.

Seo o tlameng ho se etsa

Lefa tefello e hlalositsweng ho phoustale otara Ofising ya Poso, tjhelete ofising ya DBE/PED kapa tjheke.

Eya diofising tse haufi tsa DBE/PED o tshwere ditokomane tse latelang:

- Khopi ya hao ya setifikeiti sa naha sa thuto ya sekolo e phahameng le tse netefaditsweng
- Bukana ya Boitsebiso (ID) le khopi e netefaditsweng ya ID ya hao
- Affidavit e bolelang lebaka la phetoho (ka mokgwa o batsi)
- Lengolo le netefaditsweng o tswa Lefapha la Ditaba tsa Lehae
- Setifikeiti sa Tswalo, karete ya tliliniki kapa setifikeiti sa kolobetso

Ho nka nako e telele hakae?

Ho nka dibeke tse nne ho isa ho tse tsheletseng bakeng sa Ho Ntshuwa Hape setifikeiti.

Ditjeo tsa sena ke tse kae?

- Ho ntshuwa hape ha setifikeiti: R73 ho fihla ka la 31 Hlakubele 2015
- Setatemente sa diphetho tsa tlhahlobo: R26 ho fiha ka la 31 Hlakubele 2015

Ke mang eo o ka ikopayang le yena?

Ofisi ya Naha: 012 357 4511/13
Kapa Botjhabela: 043 604 7709/73
Kapa Bophirima: 021 467 2483
Kapa Leboya: 053 839 6585
KwaZulu Natala: 031 327 0538/0331
Forestata: 051 404 8000
Gauteng: 011 355 0588
Profensi ya Leboya Bophirima: 018 384 3100/51
Limpopo: 015 290 7747/7830